صور زواجنا

هلو افرام شلونك؟ وينها الصور اشو ممبين شي... تقبل تحياتي...

هلو افرام... اي هسة بينو... الصور حلوة هواية و انشاء الله تعيشون دائما بحب و سعادة انت و جنفيان.. سلامي لها و الى اهللك جميعا و سلام خاص من ماما لكم..

هاي خال شكو ماكو طبعا الصور كلش حلوة وانشاء اللة العمر الطويل والحب الدائم وسلام من ماما وبابا واخواتي الك ولجونفيان اوكي باي خال

الصور جميلة جدا و انشاءالله كل ايامكم تكون فرح و سعادة

الله يا ابن خالتي شنو هاي الصور الحلوه؟؟ بس مو غريبه عمي انته فنان والله فنان !! فأكيد الصور الي تاخذها هي لوحات فنيه محسب حسابها. الله يخليكم لبعضكم دائماً يا ربي

اخ افرام البارحة شفنا صوركم ،وعندك سلام من وحيد اسطيفان كنتوا سوا باثينا،اني اصير اخت زوجته فانتين وبنت عم ادمون اذا تدذكرا،تحياتي الك ولزوجتك

[i]هلو افرام شلونك وشلون الاهل كلهم طبعا الصور اتخلي الواحد يتذكر الايام الحلوه ايام زمان ولو ماجانت حلوه من وره الحرب بس ابلمة الاهل تسوه الدنيا سلامي لزوجتك [b][/i]

الأعزاء أفرام وجونفيان الصور كلش حلوه والرب يرعاكم ويحفظكم لبعضكم طبعاً اني اعرفكم اثنيناتكم من اليونان حسب ما اتذكر جونفيان من زاخو - بيرسفي اما انت يا اخ افرام فانت تعرفني وكنت قد سكنت في اليونان في نفس الشارع الذي كنا نسكن فية أذا تتذكر كاتب القصص ابو مينا فهو زوج خالتي وكنا انا وامي واختي ساكنين معهم في نفس البيت على العموم اذا تذكرت سوف تعرف من انا .
صدقوني انتم لم تتغيرو نفس الشكل طبعاً فرحت كثيراً عندما رأيت صوركم وانشاء الله تتم الراسالة بيننا المحبة لكم تمارا (ام باترك)

هلو تمارا شلونج وشلون الاهل انشاء الله تكونوا بالف خير , في البداية ما اتذكرتج وبعدين اتذكرت ابو مينا كاتب القصص من جنا نجي اني وفريد عند ابو مينا وكانت الايام الاولى لي في اليونان وراها انتوا سافرتوا واهنيج على هاي الذاكرة القوية شلون اتذكرتيني ما شاء الله عليج , وبالنسبة لجونفيان فهي ليست من بيرسفي بل بيدرنيثا اي من بيداروا وعلى فكرة شلون تعريفها الي اعرفه انتوا سافرتوا كبل ما اتعرف على جونفيان , وهي تكلج اني بصراحة ما اتذكرج ويا ريت تنزلينا الصور بلكي من اشوفج اتذكر ,وتسلم عليج هوايه وهي عضوة في المنتدى باسم ماركريت وهو اسم امها . وسلامي الكبير الى العائلة جميعاً والله يحفظ ويرعى لكِ باترك

ولله زين اتذكرتني ياافرام اشلونكم وين صفا بيكم الدهر لمن انت وجونفيان اتزوجتو احنا بعد جنا باليونان خرجنا من اليونان في سنة 1998 وصارلنا حوالي 10 سنين بأستراليا طبعاً للعلم جونفيان هي من نفس عشيرتي فهي مثلي بيدرنيثا من اهل بيدارو بالنسبة لجونفيان انا اعرفها كنت قد رايتها في السوق و ايضا وحسب مااتذكر رايتها عند بيت اياد وحسنا اقرباء الشماس عماد اللذين هما الان في مالبن وما هي اخبار الآهل هل لازالو في العراق سلامي وتحياتي اليكم وانشاء الله سوف نكون على المراسلة دائماً

هلو تمارا شلونج عزيزتي , طبعاً اني لي هسة ما دا اتذكرج يعني ما اعرف اني حاجيه وياج لو لا لان شكد ما دا احاول اتذكر الايام الي جنت اروح بيت اياد وحزنة ما اتذكر انه مار عليه اسمج وعلى فكرة اخي مايكل هو متزوج من نجاة اخت حزنة زوجة اياد ما اعرف تعرفين لو لا وهو ايضاً يعيش في استراليا منذ 10 سنوات .
واني وافرام صارلنا 8 سنوات بالمانيا جنه نتمنى نوصل استراليا بس ما صارت مع الاسف لان انرفضنا مرتين بس نشكر الله على كل شي , وبالنسبة لاهل افرام فهم ما زالوا في العراق وافرام يسلم عليك كثيراً ولك مني ايضاً السلام الحار وتشرفت بمعرفتك وانشاء الله نبقى على المراسلة وارجوا ان تنزلينا الصور بلكي اتذكرج

هلو جونفيان شلونج شخبارج اتصور انتي شايفتني بس ماتتذكرين صار زمان على كل حال بس ايصيرلي مجال راح ادز صوري او صور العائلة واريد ان اعرفانتي بنت منو من بيدارو اكلج طلعنا كرايب او احنا ما نعرف هذا هم زمان

اني بنت كوركيس منصور وامي هي ماركريت شمعون .والدي ووالدتي توفوا قبل 3 سنوات في العراق
حبيبتي تمارا اني دائماً اكول احنا المسيحيين اذا كعدنا ونسولف راح نطلع كلنا كرايب [ندعوك للتسجيل في المنتدى أو التعريف بنفسك لمعاينة هذه الصورة] موووووووووووووو
تحياتي لكِ عزيزتي

صوره جميله جدا مع حبي واحترامي