فوز بكل وكت ..... ما نقبل بغيرة
اة نشأت للوسط ...للكول مفتاح
يونس على هدف....سموة سفاح
هوار البطل ... يلعب عل الجناح
ومهدي بالنصر...مشغول تفكيرة
ابو سمرة قصي...بالغيرة معروف
صالح باللعب...ما يعرف الخوف
تعال وشوف حيدرن...تعال وشوف
باسم وية جاسم....لعبو بغيرة
شسولفك عليهم...ذولة ابطال
لو طبو الساحة...ايصير زلزال
مضروب المثل...بهم وبالافعال
ولد محلة ذولة...فرحوا الديرة
وعلي رحيمة الشهم...بساحة لو غار
يخلي الكلب خصمة ...تشتعل نار
يكر وما يكر...بساحة كرار
نور بالهدف ...خلاهم بحيرة
ذولة ابطال بيهم...نرفع الراس
بجاة المرتضى ...وبجاة عباس
بحيل الله...وعزمهم ناخذ الكاس
يفرحون الشعب بالفرحة للجبيرة
فوز بكل وكت...ما نقبل بغيرة