رجاءا اريد ردود لان الموضوع مهم

هاي اني دينا شاموئيل شابو صنا رجاءا خلي نتعرف واحد على الثاني ولو هذا ثاني مرا دا انشر هيج موضوع بس لان اول مرة ما اتفاعل كل الاعضاء ويا الموضوع كالعادة الا جم واحد بس هم ارجع واكول خل كل واحد يكتب عن نفسا شي واني اول وحدة اسمي عرفتو اني من ارادن من مواليد بغداد 1988 عايشا حاليا بusa
بس هيج معلومات حتا نعرفكم اوكي باي

الى الاخوة الاعضاء
هاي
ان هذا الموضوع هو مهم لكي تزيد اواصر التعارف بين جميع الاعضاء في المنتدى ويا ريت كل الاعضاء يكتبون اسمائهم الصحيحة ومعلوماتهم الشخصية
اسمي كما تعرفونه في المنتدى ومن مواليد 1963 في بغداد واعيش حاليا في المانيا
ارجو من بقية الاعضاء التجاوب مع الموضوع اكثر واكثر
تحياتي

وعلي مداشفا
اني اثير عبدالاحديوخناولماما مالتي مريم ايشو هرمزريس فدوا لاماما
موليد بغداد من اصل ارادني 1972
اعيش في امريكا ارزونا
هاي المعلومات سريه للغايه
ههههههههههههههههههه
واني اصير ابن خالتا فوزي شموئيل بولص الارادني

الرجاءمن تكتبون ركزو عل الكيبورت لو الحاسنا لان اني من اكتب ما اركز
هههههههههههههههههههههههههههههههههههههههههههههههههههه

اخوية اني شكد ماركزت على البورد
كمت اصيح
مثل احمد بدير بالمسرحية

الملول دااااااااا

فكرة حلوة ونكدر نتعرف على الاهل والاقارب

اسمي نيران بليبوس منصور صنا

مواليد 1966 بغداد

متزوجة و اسم زوجي خالد جوزيف عبو و هو تلكيفي

عندي 4 اطفال ولد و 3 بنات

اعيش بالمانيا في مدينة اوكسبورك

ما عندي هواية معينة

هلو كلكم...شلونكم؟؟
اني هاي ثاني مرة اعرف عن نفسي اخاف اكو اعظاء ما قارين الموضوع الثاني مال تعارف..
اني رافي عماد يعقوب..امي نوال لازار اخت عامر لازار (مدير المنتدى) ""يعني اني عندي واسطة قوية هنا"" ابوية من البصرة فاني نص من هذا الصوب و نص من ذاك الصوب حاليا اني عايش بالبوسنة و الهرسك ادرس بيهة بمدرسة United World College...
ها صدك اذا انتو متابعين مواضيع ارادن فراح تعرفون انهو اني جنت خادم جيش وية خالو عامر بمقديشو ما ادري بموزنبيق..وحدة منهم

هللو شللة ....هههههههه هاي اني ملاذ ميخائيل صنا الأرادني مواليد بغداد 1986 وعايش حاليا بعمان وادرس نظم شبكات حاسوبية بجامعة هنا واتمنى اتعرف عالكلللللللللللللللللل وتحياتي وشكرا عالموضوع الحلو

اشو السالفة صار بيهة تفاعلات نووية....شنو هاي؟؟؟؟؟اني افلت احسنلي...ثيمالله

هاي ميرسي على ردودكم على الموضوع لان هذا الموضوع هسا صار بي ردود على مستوى اهميتا شويا هاي الردود بس على كولة عامر اللة مع الصابرين واحنا نصبر على الارادنيين لحد ما يتعودون شويا باي

شلامه شباب. اني اسمي وعد ايشو عوديشو لاوكو الارادني. عايش بل السويد. متزوج وزجتي اسمها نسرين كليانا كريش من القوش عندي بنات 2 تؤام اسماءهم ساندرا و سيسيليا. عندي صور مالتي ومال عائلتي راح انزلها اهنا . بس هل يوم لان هسه مو حاضره كدام ايدي. وهي صور زواجي وصور اخواني وخواتي عائلاتهم. واتمنى يصير اهنا بهل الصفحه فت ارشيف للصور لكل المناسبات انشاءالله حتى الكل تعرف الكل صوت وصوره.

هاي ملاذ شلونك و شلون اهلك اني نيران اكيد متعرفني بس اهلك يعرفوني
سلامي الى ابن عمي ميخائيل واكولا هوايا مشتاقتلك والى بدرية و عمتي ايشو
و سلامي الى كل العائلة

هلوووو شلونكم اني سالار سمير اليشاع صنا الارادني مواليد 1987 طبعا عايش ابغداد وطالب بمرحلة ثالثة اختصاص ادارة اعمال بكلية المنصور الجامعة واكيد سعيد انه نتعرف كلنا على بعظنا واتمنى اكون عند حسن ظنكم وشكرا دينا عالموضوع كلش حلو وبمكانة

هاي نيران شلونج وصل سلامج للأهل ويسلمون عليج وانتو من سافرتو جنت صغيروني شوية فمو كلش اتذكر بس اتمنى نتعرف أكثر وسلامي للعائلة ..تحياتي ..ملاذ الأرادني

هاي سالار شلونك وشلون بابا و ماما واحنة كلنا فرحانين بهذا الموقع
لانه بصراحة د نعرف اخبار الاهل و الكرايب كلهم سلامي الى بابا
و ماما و الى سرمد و زوجته و الى ساندرا و زوجه و الى سلفانا و سلامي
الى عمة سميرة و الاولاد
باي

هاي نيران ملاذ يا زغيروني اني اتذكرها لنيران اني ازغر منك اهلا وسهلا بيج واذا مدا تتذكرين اني دينا شاموئيل صنا بنت ابو دنيا وام دنيا مسكو وسلامي للاهل

اكيد حلوة الفكرة ,احب اعرفكم على نفسي،اسمي كارولين لويس قاشاارادنية من جميع الاطراف ،متزوجةوام لطفل عمرا خمسة اشهر واسماايشو ، طبعا محل الاقامة وندزور كندا،و بانتظار وصول زوجي الحبيب بالسلامة انشالله في شهر نيسان المقبل بعد ثلاث سنوات طويلة من الانتظار ،طبعا زوجي ايضا ارادني اسما بسام شابو ،تحياتي للجميع

اهلا وسهلا بالاخت كارولين
ان فوزي شموئيل بولص قاشا الارادني ولي اخفي ميشغان هو عصام ومتزوج من ابنة عمتك وقار وان اقيم في المانيا وزوجتي هي روزا دنخا يوسف صنا وان والدتي رحمة الله عليها هي ابنة خالة والدك وهي ماركريت ايشو هرمز ريس
اظن الان عرفتيني وتحياتي الى زوجك بسام شابو الذي قضينا معه احلى الايام في اثينا وتحياتي الى اهلك[ندعوك للتسجيل في المنتدى أو التعريف بنفسك لمعاينة هذه الصورة]

شكرا على ترحيبك اخ فوزي،اكيد اني عرفتك هسا شلونك وشلون العائلة انشالله بخير سلامي للكل وسلام من بابا و ماما الكم، وانشالله دائما نسمع اخباركم الحلوة

مساء الخير حسب توقيتنا في دمشق انا متينا كورئيل اسطيفانوس ريس منذ فترة طويلة وانا ابحث عن منتدى او موقع يجمع اهالي قرية ارادن تماشيا مع جميع المنتديات الاخرى واليوم وعن طريق الصدفة اكتشفت هذا الموقع في احدى محركات البحث على الانترنت وكم هي سعادتي كبيرة والفرحة تغمرني لاني اخيرا وجدت هذا المنتدى الرائع الذي من خلاله نستطيع التواصل مع بعضنا ملتمسا من الرب ان يحفظنا جميعا متمنيا دوام النجاح والموفقية لهذا الموقع الجميل .

هلو اني سبق ان عرفت نفسي وهاي مره ثانيه اني اسمي وسام ايشو ججو الارادني مواليد بغداد _1971 خريج كليه الزراعه جامعه بغداد 1995 اني من بغداد وعايش حاليا في قريه ارادن وزوجتي اسمها هند ميخو اليوسفي من قريه سيجي "شيوز بل السورث" عندي اطفال "بنل وبراين وبيانكا " واني طبعا من مشجعي فريق الطلبه ويسعدني التعرف عليكم كلكم واي سؤال او استفسار اني حاضر

سلامي الكم كلكم اكيد اخ فوزي اعرفك كلش زين واعرف بنت خالتي سره" روزا"وهند تسلم عليها هوايه واعرف انته جنت شرطاوي وفيّ ؟؟؟ وتحياتي الكم واخويه عامر الك سلام من عدنا وخاصه من نجله بنت عمتك تريزيه ومن عمتي مريم وحني بنات عمتك مسكو لأن حاليا احنا مع بعض عايشين ...بالحقيقه اني اتمنى ان اكون المندوب الي يواصلكم ويوصل اخبار اهلنا الموجودين اهنا بالقريه لكن صدقوني مو دائما عندي نت لأنه بصراحه يوم تكون الشبكه زينه وعشره تعبانه بشكل مو طبيعي ؟؟؟ والكهرباء وماادراك ما الكهرباء عندنا؟؟؟ بس رغم هذا الشي اني راح احاول أوصللكم كلشي الي يصير والي مايصير بالقريه واني الممنون وتحياتي الكم وللاهل" خالي لازار وبخت خالي مريم وسلامي لأكرم وياسمين وسرمد والبقيه اكيد بس ماأعرف يتذكروني لو لا" وسلامي الى كل واحد موجود بالمنتدى وبدون ذكر اسماء حتى لانزعل ناس ؟؟لأنه الله يزيدهم وماشاء الله عددننحسد عليه بالمنتدى تحياتي وسلامي الكم وين ماتكونون اخوكم وسام ارادني ( بالعربي "ارادني" لأنه احب هذا الاسم كلش يعجبني واذا شفتوه يزعجكم اني مستعد اغيره) يدلل الحلو؟؟؟

تحياتي اللك وسام شلونك وسلامي لأهل ارادن كلهم وللعائلة ...وسلملي على عميي نبيييييييييييييييييييييييل ....

تعيش عزيزي وسام
وسلامي لكلهم واحد واحد..وانشائلله كلهم باتم الصحة والعافية
وطبعا نشرنا في المنتدى الشجرة اللي كان جامعه والدك، ابن العمه العزيز ايشو
مشكورين له جدا

طبعا نطلب منك ان تنشر لك ما يتعلق بقريتنا الحبيبه
من الناس الموجودين بها
كيف يعيشون
من اين الكهرباء والانترنت
الماء
التسوق
وسائط النقل
وكل ما يتعلق بالحياه يمكم
وطبعا مع الصور
وبصورة متواصلة
وعلى شكل مواضيع او حلقات او لقاءات
حسب ما تراه مناسب
ويمكن البقاي في القرية يتعاونون معك بهذا
ومنهم مثلا ابن العمة العزيز نبيل..سلملي عليه هوايه..
اما بالنسبه لاسمك فهو احلى اسم
وسام الارادني

تحياتي لك ولكل اهل القريه

اهلا وسهلا بالاخوة وسام و متينا،اذا امكن اخ وسام توصل سلام خاص للاخت مالكة وزوجها صباح،سلامنا لعائلتك ولكل اهالي قريتنا الحبيبة ارادن.

هلو سلار سلونك و شلون سمير و مجدولين؟ احنا مشتاقيين الكم هواية. شلونهم بالبيت ساندر,سرمد, و سلفا؟ سلامي للجميع و الى عائلاتهم. بنت عمتك نجوان

سلامي للكل شكرا على ردودكم الحلوى الي فرحتني هوايا واهلا وسهلا بوسام ابن خالت امي واهلا وسهلا بمتينا اني دينا شاموئيل بنت شمويل ومسكو هيج لازم تعرفوني واهلا وسهلا بالكل

يا ميت اهلا و سهلا بيج يا مريم ... مشتاقين هواية اشتاقيت السوالفج الحلوة.. نورتي المنتدى.. شلونا باسم و الحلو مانوئيل.. فرحت هواية من شفتج بالموقع. . سلامي للكل و انشاء الله نشوفج..

اهلا وسهلا مريم اي اني اخت ديانا ودنيا وميرسي على الرد الحلو

هاي مريم وباسم اهلا و سهلا بيكم بالمنتدى
ونور المنتدى بوجودكم وننتظر مساهماتكم
قبلاتي الى مانو الدلوع صارلي يومين مشايفتى بالمناسبة احنا و مريم جوارين

شلاما
اني سيلفا سمير اليشاع صنا أرادنية وعايشة ابغداد عندي بكلوريوس علوم تجارية ومصرفية وكلش احب اتعرف على الكل وسلامي للكل فردا فردا وشكرا دينا على هاي الفكرة وسلامي لعمو شمول ودنيا وديانا ودانا

وصل سلامج حبي وميرسي على الرد

هاي سلفا شلونج و شلونهم بالبيت اني نيران بعدج تذكريني لو نسيتيني سلميلي على اهلج هواية

دينا عزيزتي فكرة رائعة ان نعرف واحد الاخر، لكي نكون في تواصل دائم ولا نبقى غربى واحد على الاخر ونساعد بعضنا البعض في مسيرة دربنا ، لكي نكون انسانيين ومسيحيين بكل معنى الكلمة ونشجع واحد الاخر على المحبة والرجاء والايمان، مهما كانت المسافات بعيدة. انا الاخت مركريت قلب يسوع ابنة اوراها شمعون صنا وامي ريجينا يوحنا ايشو من قرية تني تقيم في اميركا مع اخي فيليب. وانا حاليا في دير القلب الاقدس في عنكاوا اعمل في سكرتارية كلية بابل الحبرية للفلسفة واللاهوت منذ 1998 كنت في بغداد في الدورة والان بسبب الاوضاع انتقلت الكلية الى عنكاوا. سلامي ومحبتي لجميع اعضاء المنتدى الرب يبارككم جميعا وتبقون متحابين وتنشرون هذه المحبة والتآخي للاخرين بالقول والفعل